UEFA Konfrans liqasında keçid pley-of mərhələsinin püşkü atılıb. Liqa etapında 9-24-cü yerləri tutan komandaların iştirak etdiyi püşkatmada 8 cüt müəyyən olunub:
“KuPS” (Finlandiya) – “Lex” (Polşa)
“Zirinski” (Bosniya və Herseqovina) – “Kristal Pelas” (İngiltərə)
“Şkendiya” (Şimali Makedoniya) – “Samsunspor” (Türkiyə)
“Siqma” (Çexiya) – “Lozanna” (İsveçrə)
“Noa” (Ermənistan) – “AZ Alkmaar” (Niderland)
“Yagelloniya” (Polşa) – “Fiorentina” (İtaliya)
“Drita” (Kosovo) – “Selye” (Sloveniya)
“Omoniya” (Kipr) – “Riyeka” (Xorvatiya)
Bu mərhələnin ilk matçları 19 fevralda, cavab oyunları isə 26 fevralda keçiriləcək. Qeyd edək ki, liqa etapında 1-8-ci yerləri tutan komandalar – “Strasbur” (Fransa), “Rakuv” (Polşa), “AEK Afina” (Yunanıstan), “Sparta Praqa” (Çexiya), “Rayo Valyekano” (İspaniya), “Şaxtyor” (Ukrayna), “Maynts” (Almaniya) və “AEK Larnaka” (Kipr) birbaşa 1/8 finala yüksəlib.
