ABŞ, Kanada və Meksikanın birgə təşkilatçılığı ilə keçirilən futbol üzrə 23-cü Dünya Çempionatına yekun vurulub. ABŞ-nin Nyu-Cersi şəhərində yerləşən eyni adlı stadionda təşkil edilən final qarşılaşmasında İspaniya son turnirin qalibi Argentina ilə üz-üzə gəlib.
Qarşılaşmanın taleyinə əlavə vaxtda aydınlıq gəlib. 106-cı dəqiqədə Ferran Torres 16 ildən sonra İspaniya millisinə çempionluq gətirən qolun müəllifi olub. Tarixində yeddinci mundial finalında çıxış edən Argentina isə dördüncü dəfə meydanı məğlub tərk edib.
Oyundan sonra keçirilən mükafatlandırma mərasimində ABŞ Prezidenti Donald Tramp, FIFA prezidenti Canni İnfantino, Kanadanın Baş naziri Mark Karni, Meksika Prezidenti Klaudiya Şeynbaum və digər rəsmi şəxslər iştirak ediblər. “Qırmızı furia” tarixində ikinci dəfə kuboku başı üzərinə qaldırıb. Pireney təmsilçisinin heyətində Rodri turnirin ən yaxşı oyunçusu, Paolo Kubarsi ən yaxşı gənc futbolçusu, Unai Simon isə ən yaxşı qapıçısı seçilib. 10 qol və 4 məhsuldar ötürmə ilə fərqlənən Fransa seçməsinin hücumçusu Kilian Mbappe mundialın “qızıl buts” mükafatına sahib çıxıb. İspaniya millisinin baş məşqçisi Luis de la Fuente həm dünya, həm də Avropa çempionatını qazanan üçüncü baş məşqçi kimi tarixə keçib. 65 yaş, 28 günündə bu titula yiyələnən De la Fuente dünya çempionluğunu qazanan ən yaşlı mütəxəssis olub.
