Çövkən üzrə Azərbaycan millisi Bakıda keçirilən dünya çempionatının qalibi olub.
Komanda finalda Çili seçməsini məğlub edib.
Qarşılaşma 3:0 hesabı ilə bitib.
Bürünc medal uğrunda görüşdə Uruqvay komandası Nigeri 3:2 hesabı ilə üstələyib.
Beləliklə, Azərbaycan millisi Çövkən üzrə 2-ci Dünya Çempionatının qalibi adını qazanaraq qızıl medala və çempionatın kubokuna sahib olub. Çili millisi ikinci yeri tutaraq gümüş medalla kifayətlənib, Uruqvay komandası isə üçüncü yeri əldə edib.
