Dubayda keçirilən “Globe Soccer Awards 2025” mərasimində dünya futbolunun ən yaxşıları mükafatlandırılıb.
“İlin ən yaxşı kişi futbolçusu” nominasiyasında Usman Dembele, Kilian Mbappe, Rafinya, Vitinya və Lamin Yamal finalçılar sırasında idi. “Globe Soccer Awards 2025” bu nominasiyanın qalibi olaraq Usman Dembeleni seçib.
Lamin Yamal “Globe Soccer Awards 2025″də ilin ən görkəmli oyunçusu olaraq “Maradona” adına mükafatın sahibi seçildi.
Kriştianu Ronaldu “Globe Soccer Awards 2025″də “Yaxın Şərqin ən yaxşı futbulçusu” nominasiyasını qazandı.
“Barselona” klubunun qadınlardan ibarət komandası “Globe Soccer Awards 2025″də “Ən yaxşı qadın klubu” mükafatını qazandı. Mükafat klubun prezidenti Joan Laportaya təqdim edilib.
Aitana Bonmati “Globe Soccer Awards 2025″də “Ən yaxşı qadın futbolçu” seçildi.
PSJ “Globe Soccer Awards 2025″də “Ən yaxşı kişi klubu” mükafatını qazandı.
Pol Poqba “Globe Soccer Awards 2025″də “Ən yaxşı geri dönüş” mükafatını qazandı. O, uzun müddətdən sonra futbol meydanına dönüb və 31 dəqiqə oynayıb.
Lamin Yamal “Globe Soccer Awards 2025″də “Ən yaxşı hücumçu” mükafatını qazandı.
Vitinya “Globe Soccer Awards 2025″də “Ən yaxşı yarımmüdafiəçi” mükafatını qazandı.
Luis Enrike “Globe Soccer” versiyasına görə “Ən yaxşı məşqçi” seçildi.
Jorje Mendes “Globe Soccer Awards 2025″də “Ən yaxşı agent” mükafatını qazandı.
Dezire Due 2025-ci il üçün “Globe Soccer” tərəfindən “Ən perspektivli oyunçu” seçildi.
Portuqaliya milli komandası “Globe Soccer” versiyasına görə “İlin ən yaxşı millisi” seçildi.
