Azərbaycan Basketbol Liqasının XVII turunda bu gün daha üç oyun baş tutacaq.
Əvvəlcə A qrupunda “Sabah” “Neftçi” ilə üz üzə gələcək.
“Sabah” hazırda 28 xalla qrup lideridir. Üçüncü olan “Neftçi”nin 24 xalı var.
B qrupunda isə “Quba” “Şəki”ni qəbul edəcək. “Şəki” hazırda 28 xalla ikinci yerdə qərarlaşıb. “Quba” isə 20 xalla beşincidir.
Hər iki görüş “Sərhədçi” İdman Mərkəzində baş tutacaq. “Sabah” - “Neftçi” matçı saat 12:30-da, “Quba” - “Şəki” qarşılaşması 16:00-da başlayacaq.
A qrupunda daha bir görüş isə Abşeron Olimpiya İdman Kompleksində keçiriləcək. “Abşeron” komandası “Sərhədçi” ilə münasibətlərə aydınlıq gətirəcək. Qarşılaşmanın start fiti saat 19:00-da səsləndiriləcək. “Abşeron” qrupda dördüncü, “Sərhədçi” isə beşinci yerdə qərarlaşıb. Hər iki komandanın 22 xalı var.
Qeyd edək ki, turun ötən gün keçirilən NTD - "Naxçıvan" matçı birincilərin 85:78 hesablı qələbəsi ilə yekunlaşıb.