Olimpiya çempionu Hidayət Heydərov (73 kq) topladığı reytinq xallarının sayına görə dünya üçüncüsüdür.
Beynəlxalq Cüdo Federasiyası (IJF) həm kişilər, həm də qadınlar arasında dünya sıralamasında liderlərin topladığı xalları əks etdirən siyahı hazırlayıb.
Heydərov 8004 xalla birləşdirilmiş cədvəldə üçüncü yerdədir. Bu, kişilər arasında ən yüksək göstəricidir və o, yalnız qadın cüdoçular - kanadalı Krista Dequci (10140) və xorvat Barbara Matiçdən (8029) geri qalır.
Digər olimpiya çempionumuz Zelim Kotsoyev (100 kq) topladığı xallara görə yeddincidir - 6812. O, beşqat olimpiya çempionu fransalı Teddi Rineri (6800) qabaqlayır.
